Frábær sigur gegn Benfica

3:0-sigur á portúgalska stórliðinu Benfica í Meistaradeild Evrópu. Anthony Gordon og Harvey Barnes voru í aðalhlutverkum með frábærum tilþrifum og mörkum.

Byrjunarliðið: Pope -Trippier, Thiaw, Botman, Burn – Miley, Bruno, Ramsey – Murphy, Woltemade, Gordon.

Varamenn: Thompson, Ramsdale, Schar, Joelinton (63’), Tonali, Barnes (63’), Krafth, Osula (85’), Elanga (85’), Willock (90’), A.Murphy

Eftir erfiða helgi í deildinni brást Newcastle fullkomlega með skipulegum og ákveðnum leik gegn liði José Mourinho. Frá fyrstu mínútu var ljóst að leikmenn Eddie Howe ætluðu sér sigurinn.

Anthony Gordon, sem hefur verið einn besti leikmaður Newcastle í keppninni til þessa, kom liðinu yfir á 36. mínútu. Jacob Murphy átti fyrirgjöf frá hægri og Gordon stakk sér á milli varnarmanna áður en hann lagði boltann örugglega í netið. Þetta var fjórða mark hans í Meistaradeildinni á tímabilinu og hann varð um leið fyrsti leikmaður Newcastle til að skora í þremur Evrópuleikjum í röð.

Gestirnir frá Lissabon voru þó hættulegir á köflum í fyrri hálfleik. Dodi Lukébakio skapaði talsverða ógn og átti skot í stöng, en Nick Pope varði frábærlega þegar mest á reyndi og hélt marki sínu hreinu.

Seinni hálfleikurinn var hins vegar eins og kennslustund. Á 70. mínútu kom annað markið eftir ótrúlega sendingu Pope, sem kastaði boltanum frá eigin vítateig beint fram í hlaup Harvey Barnes. Hann tók boltann með sér, slapp einn í gegn og skoraði snyrtilega í fjærhornið.

Þegar fimm mínútur voru til leiksloka átti Anthony Gordon enn eftir að leggja sitt af mörkum. Hann braust þá í gegnum vörn gestanna og sendi knöttinn laglega á Harvey Barnes, sem skoraði þriðja markið fyrir Newcastle og sitt annað í leiknum.

Newcastle var að öllu leyti sterkari aðilinn, vel skipulagt lið sem sýndi aga, sjálfstraust og baráttuanda frá fyrstu mínútu. Með sigrinum er liðið komið með sex stig eftir þrjá leiki og hefur styrkt stöðu sína í baráttunni um efstu sætin í Meistaradeildinni.

Frábær sigur hjá liðinu sem spilar næst við Fulham á St James’ Park í ensku úrvalsdeildinni næsta laugardag.

Svipmyndir úr leiknum